最後的陪伴

做好文件，安置好小姐，我同大小姐準備上山～

突然哭聲加叫喊聲圍繞住山頭～「大小姐～大小姐～你要安好啊～頭先唔記得同你講啊～我會好掛住你㗎～我剩係可以送到你來呢度咋～」

回望一刻我啲淚水已經喺眼朗下朗下～場景真係好似拍戲咁，我捧住大小姐骨灰回應山下嘅小姐：「大小姐收到了～您放心啦～」 沿路依舊聽到山下小姐送別嘅聲音。當時個心只有一個諗法-我要帶住呢份愛，同大小姐上山。去到佢嘅位置，師父擺放好，每個程序拍好照，下山俾小姐過目。係我差不多到山腳位置，已經望到小姐係山腳位置原處等候，我知道佢心急，一見到佢就將相片給佢她過目。呢一刻佢識得笑，笑得比平時開心，可能覺得大小姐終於回歸天家，亦為佢做好咗最後一件事。

呢對年邁嘅姐妹經歷過甚麼令佢地感情如此深厚，同時亦好感恩大小姐你選擇咗我～